На парадак дня пасяджэння райвыканкама, якое пад началам старшыні Пятра Шукаловіча прайшло

24 лютага на базе Вяззеўскага сельсавета, было вынесена адно пытанне: “Аб рабоце грамадскіх фарміраванняў і суб’ектаў прафілактыкі па забеспячэнні бяспечнай жыццядзейнасці на тэрыторыі Асіповіцкага раёна”.

Актыўны ўдзел у ім прыняў начальнік упраўлення аховы правапарадку і прафілактыкі міліцыі грамадскай бяспекі УУС Магілёўскага аблвыканкама Павел Смірноў, асноўны даклад зрабіў намеснік старшыні райвыканкама Аляксандр Шаўлюга, а пэўныя накірункі дзейнасці больш падрабязна асвятлілі начальнікі РАУС і райаддзела па надзвычайных сітуацыях Уладзімір Рыжанкоў і Iгар Логвін і старшыня Вяззеўскага сельвыканкама Iван Вярыга. Вось толькі асобныя з прыведзеных лічбы-факты.

У раёне памяншаецца колькасць пажараў і гібелі людзей на іх. Найбольшая іх колькасць зафіксавана ў Пратасевіцкім сельсавеце — 10, Ліпенскім і Вяззеўскім — па 8, Лапіцкім — 2. Сёлета ў раёне іх адбылося 7 (летась — 8), ахвяр няма.

Летась аглядавымі камісіямі правераны 20.955 домаўладанняў, накіравана 501 інфармацыя для прыняцця мер рэагавання.

У параўнанні з 2014 годам у наяўнасці на 4,4% (679-649) зніжэнне колькасці рэгіструемых злачынстваў па лініях усіх службаў. Узровень злачыннасці на 10 тысяч насельніцтва паменшыўся з 137,2 да 132,6. Прафілактычныя мерапрыемствы дапамаглі зменшыць негатыў у грамадскіх месцах (145-109), у сферы сямейна-бытавых адносін            (22-13). Значна больш — 461-687 — складзена ад-міністрацыйных пратаколаў. Разам з тым колькасць злачынстваў на тэрыторыях Вяззеўскага, Ліпенскага, Свіслацкага, Ялізаўскага, Лапіцкага і Татаркаўскага сельсаветаў вырасла.

У нас дзейнічаюць 37 добраахвотных дружын, у складзе якіх 316 чалавек. Летась з удзелам дружыннікаў складзена 603 пратаколы, колькасць выхадаў на дзяжурства — 8.031 чал/дзень. Парушалі графік дзяжурстваў дружыны ВУП “Малочны полюс”, ААТ “Асіповіцкі хлебазавод” і “Гандаль”, УКП ЖКГ, УА “Асіповіцкі дзяржаўны прафесійна-тэхнічны каледж”.

З мэтай аховы грамадскага парадку і прафілактыкі правапарушэнняў рашэннямі раённага і сельскіх выканкамаў арганізавана работа 13 саветаў грамадскіх пунктаў аховы правапарадку. За год праведзена 160 іх пасяджэнняў, на якіх разгледжаны 1.157 асоб, патрабуючых да сябе павышанай увагі — на 151 больш, чым у 2014 годзе. Па хадайніцтву саветаў 142 чалавекі працаўладкавана і 43 закадзіравана. Абавязкова трэба падцягваць прафілактычную работу па папярэ-джанні злачынстваў і правапарушэнняў у Карытненскім і Татаркаўскім саветах ГПАП.