Поўную глядацкую залу сабраў у суботу ў РЦК канцэрт, прысвечаны Дню яднання народаў Беларусі і Расіі.

Распачаў святочную сустрэчу ўрачыстымі акордамі ваенны духавы аркестр. Вядучыя ўзгадалі гісторыю дзяржаўнага свята і на працягу ўсяго мерапрыемства раскрывалі сутнасць той шматграннай повязі, якая моцна і назаўжды злучыла брацкія народы. А такіх “нітачак” хапае: агульная памяць, культура, традыцыі, сямейныя каштоўнасці і шмат чаго іншага. Беларусы, якія жывуць у Расіі, рускія, што аcталяваліся на Беларусі, ніколі не адчувалі сябе чужымі. У хоры ветэранаў вайны і працы, напрыклад, з трох дзясяткаў удзельнікаў 8 — расіяне, і гэта ніколькі не перашкаджае гучаць моцнаму ўнісону.

Святочны настрой землякам стваралі таксама артысты з любімых усімі “Крынічкі”, “Люлечкі”, “Дзівакоў”, “Пазла”, “Асарці”, “Капрыза”, “Куццякоў”, асобныя салісты. Словам, сустрэча атрымалася яркай і запамінальнай.