Слушаем мнение осиповчан о предстоящих выборах. Михаил Слесаренко, председатель районного Совета ветеранов
Ёсць з чым параўноўваць
Міхаіл Слесарэнка, старшыня раённага савета ветэранаў:
— Пенсіянеры — гэта людзі з устойлівым светапоглядам, якія ведаюць, чаго хочуць, маюць грунтоўную жыццёвую пазіцыю. Мітусня, пошукі, ваганні засталіся ў мінулым. І зараз мы імкнёмся толькі да стабільнасці.
Часта гутару з прадстаўнікамі розных ветэранскіх арганізацый і змог пераканацца ў тым, што гэтым людзям можна давяраць, з імі трэба лічыцца, а іх мудрыя думкі могуць многаму навучыць.
Асабіста я падтрымліваю палітыку дзяржавы, вельмі падабаецца мне стаўленне кіраўніцтва краіны да ветэранаў вайны і працы. Таму на выбары іду з цвёрдай упэўненасцю, што не хачу ніякіх радыкальных змяненняў. Паважаю меркаванні розных слаёў насельніцтва, заўсёды прыслухоўваюся да моладзі. Але свайго пункту гледжання не змяню. На вяку пабачыў і перажыў шмат, таму мне ёсць з чым параў-ноўваць, на што арыентавацца. Жыў у розных дзяржавах, пры розных строях. Многа гадоў аддаў службе ў войску. Прысягаў на вернасць СССР, а затым Рэспубліцы Беларусь. І хоць нарадзіўся не тут, але ўсёй душой палюбіў краіну з зялёнымі лясамі і блакітнымі азёрамі. І шукаць іншую, больш заможную, не жадаю.
Мае жонка і дзеці — беларусы. Тут жывуць сябры, саслужыўцы, знаёмыя. Ганаруся сваёй краінай, якую абараняў доўгі час, а зараз бараню ад славесных нападак. І веру, што яе чакае шчаслівая будучыня. Таму на выбары іду з прыўзнятым настроем.