“Мы — адзіныя!” Менавіта такі лейтматыў меў сённяшні канцэрт. Асіпаўчанам пашанцавала: так як наш раён завяршаў патрыятычны аўтапрабег па Магілёўшчыне, яго фінал вырашана было зрабіць асабліва яркім і запамінальным.

У наш райцэнтр завіталі зоркі беларускай эстрады Ірына Дарафеева, Алёна Ланская, Вікторыя Алешка ды іншыя. Вёў праграму добра вядомы гледачам нацыянальнага тэлебачання Аляксандр Сярэбранікаў. Землякі сустракалі ўдзельнікаў акцыі і артыстаў вельмі шчыра. Цёплы прыём і пазітыў, які ішоў з залы, былі заўважаны і адзначаны. Са словамі падзякі за актыўную падтрымку “Сімвала адзінства” — у Асіповічах да аўтапрабегу далучылася каля сямі дзясяткаў машын — звярнуліся намеснік старшыні Федэрацыі прафсаюзаў Беларусі Вадзім Грачоў, кіраўнік грамадскага аб’яднання “Патрыёты Беларусі” Мікалай Зарубіцкі і яго намеснік Ганна Харута.

Сапраўды, калі беларусы збіраюцца разам, усё ў іх выдатна атрымоўваецца! І сённяшняе мерапрыемства — таму яркае пацвярджэнне.

Фота тут