Урачыстая праграма ў ГЦК “Равеснік” уключала не толькі канцэртныя нумары: асіпаўчане перадалі ўдзельнікам аўтапрабега спецыяльную шасцярэньку — элемент механізма, састаўныя часткі якога збяруць з усіх раёнаў краіны, каб у снежні — у фінале акцыі — аб’яднаць іх у адно цэлае як сімвал адзінства беларускага народа.

У сваю чаргу “Патрыёты Беларусі” і прадстаўнікі ФПБ пакінулі на ўспамін аб наведванні Асіповіччыны адмысловы механізм, які ўручылі кіраўніку раёна Канстанціну Жыгуцкаму. Яго сімвалічнае значэнне вось у чым: усе мы звязаныя адзіным жаданнем — жыць у мірнай квітнеючай краіне. А кожны з нас — важнае звяно, якому нельга не прыдаваць значэння.