Сегодня — День спасателя
На варце спакою
Напярэдадні прафесійнага свята ў раённым аддзеле па надзвычайных сітуацыях падвялі вынікі за мінулы год
Мерапрыемства, у якім прыняў удзел першы намеснік начальніка Магілёўскага абласнога ўпраўлення МНС Андрэй Гайсёнак, пачалося з інфармацыйнага блока ад работнікаў ДАІ Асіповіцкага РАУС і ваенізаванай і вартавой аховы Асіповіцкага аддзела Дэпартамента аховы Міністэрства ўнутраных спраў.
Аб дзейнасці Асіповіцкага РАНС расказалі першы намеснік начальніка Мікалай Ярмоленка і намеснікі начальніка Аляксандр Стукарчук і Андрэй Гайшун. Яны не толькі падзяліліся вынікамі і дасягненнямі, але і акрэслілі праблемныя пытанні, якія патрабуюць вырашэння.
Андрэй Гайсёнак высока ацаніў эфектыўнасць работы, выкананне пастаўленых задач і падкрэсліў, што асноўная ўвага па-ранейшаму павінна аказвацца прафілактыцы пажараў і гібелі людзей на іх. Таксама Андрэй Мікалаевіч адказаў на пытанні, павіншаваў усіх прысутных з надыходзячым прафесійным святам і ўручыў заслужаныя ўзнагароды: Андрэй Кадаеў атрымаў Грамату абласнога ўпраўлення МНС, а Павел Зінавенка і Павел Альховік былі адзначаны падзякамі.
