Самы галоўны педагог ясляў-сада № 10 “Расінка” — загадчык Любоў Ігнацьева, а яе аднадумца — калектыў, які складаецца з 59 чалавек.

Самая вялікая напоўненасць установы была ў 2020 годзе — 230 выхаванцаў.

Самы вопытны педагог — Алена Шычко, яна працуе ва ўстанове з 1989 года.

Самы малады спецыяліст — Карына Герасімовіч, прыступіла да абавязкаў выхавальніка летась.

Самы першы загадчык установы — Людміла Бекмецьева, займала пасаду з адкрыцця садка ў 1987 г. па 2005 г. Яна ж мае самы вялікі ветэранскі стаж.

Самы мужны работнік — Віктар Вінаградаў, рабочы па комплексным абслугоўванні і рамонце будынкаў і збудаванняў.

Самы вопытны Дзед Мароз (па сакрэце) — Ірына Пацкевіч.

Самы крэатыўны педагог — Валянціна Ягорава.

Самыя ўмелыя рукі ў Вольгі Пятроўскай.

Самы вялікі знаўца беларускай мовы — Алена Шычко.

Самыя цудоўныя вакальныя здольнасці мае Людміла Сямёнава.

Самы вядомы выхаванец — Юлія Саўчанка, зараз саліст заслужанага калектыву РБ ансамбля народнай музыкі “Бяседа”.

Самая высокая ўзнагарода ўстановы — Дыплом I ступені пераможцы раённага спаборніцтва па сацыяльна-эканамічным развіцці раёна па групе “Арганізацыі сацыяльнай сферы”.

Самае вялікае дасягненне мінулага года — Грамата галоўнага ўпраўлення па адукацыі Магілёўскага аблвыканкама за ўдзел у адукацыйным праекце Парка высокіх тэхналогій “Інфарматыка без разеткі” пад кіраўніцтвам Ірыны Палазнік, Таццяны Малец і Алены Шычко.

Самая любімая страва дзяцей — бульбяное пюрэ з курынымі катлеткамі.

Самы актыўны член папячыцельскага савета — Валерый Сідоранка, тата траіх выхаванцаў установы.

Самы працавіты кветкавод — Валянціна Кавалёва.

Самы клапатлівы памочнік выхавальніка — Людміла Свечка.

Самае любімае свята дзяцей — Новы год.

Самая незвычайная дадатковая адукацыйная паслуга — стэп-аэробіка пад кіраўніцтвам Жанны Журы.

Самую незвычайную цацку зрабіла сваімі рукамі Вольга Паркалава. “Займальныя кубікі” занялі першае месца ў раённым конкурсе “Цацка сваімі рукамі” і прэзентаваліся ў Магілёўскім дзяржаўным абласным інстытуце развіцця адукацыі.

Самы вопытны настаўнік-дэфектолаг і старшыня прафсаюзнага камітэта — Таццяна Апанасевіч.