Насустрач падзеі

За шчаслівую будучыню!

У гэтай дружнай сям’і з пасёлка Ялізава зараз асаблівая атмасфера: мама збіраецца ў сталіцу, дзе будзе ўдзельнічаць у вельмі важным мерапрыемстве! Хвалюецца не толькі сама Хрысціна, але і яе муж Вадзім, а таксама дачушкі Маша, Аня і, гледзячы на старэйшых, нават маленькая Волечка. Згадзіцеся, далёка не кожнаму выпадае такая ганаровая місія — быць дэлегатам народнага сходу.

“Безумоўна, на форум ускладаю вялікія надзеі, — дзеліцца шматдзетная матуля і педагог сацыяльны Ялізаўскай СШ Хрысціна Сунчэльеўна, — таму што там будуць сумесна вырашацца самыя актуальныя для краіны пытанні. Веру, што актыўная грамадзянская пазіцыя кожнага з дэлегатаў у выніку пасадзейнічае стабільнасці, дабрабыту і развіццю нашай роднай Беларусі.

Менавіта зараз, як ніколі раней, у Год народнага адзінства, нам неабходна па-сапраўднаму аб’яднацца. Каб зберагчы і памножыць усё тое добрае, што мы, беларусы, маем. А добрага ў нас вельмі шмат!”