Па інфармацыі ДРБУ № 199 — генеральнага падрадчыка аб’екта, — для рамонту ўсё ўжо гатова, але работы непасрэдна на аўтамабільным мосце пачнуцца ў першай дэкадзе жніўня. Дата “прывязана” да выслабанення абсталявання, якое па-трэбна для рамонту стыкаў панэляў перакрыцця. Такую тэхніку і работнікаў належнай квалі-фікацыі мае адзіная на Магілёўшчыне спецыялізаваная арганізацыя па рамонце мастоў і пуцеправодаў ДРБУ № 59, таму на яе паслугі існуе пэўная чарга.

Важнае ўдакладненне: падчас “рэанімацыі” пуцеправод не будзе закрывацца зусім. Плануецца перакрываць адну паласу, арганізаваўшы па другой рэверсіўны рух. Для падтрымання бяспекі ў такіх нязвыклых умовах запланавана прымяненне перасовачных святлафораў і іншага неабходнага рыштунку.

Прыблізна ў тыя ж тэрміны “стартуе” бягучы рамонт асфальтавага пакрыцця на ўчастку вуліцы Сташкевіча — ад гімназіі да перакрыжавання з Юбілейнай. А восенню адбудзецца рэканструкцыя вуліцы Гарбатава.

Каардынацыя тэрмінаў правядзення работ на пералічаных аб’ектах мае прынцыповае значэнне: разам з вуліцамі 60 гадоў Кастрычніка і Рабоча-Сялянскай яны ўтвораць штосьці падобнае на кальцавую дарогу — запатрабаваную для кожнага сучаснага горада частку транспартнай сістэмы.

Дзмітрый САЎРЫЦКІ.

d.savrickiy@gzt-akray.by