Прафарыентацыя

У гімназіі адбылася сустрэча журналістаў “АК” рэдактара аддзела эканомікі Марыі Савінай і карэспандэнта Ганны Сабела з вучнямі 9-10 класаў.

Прадстаўнікі рэдакцыі расказалі старшакласнікам аб сваёй рабоце, у якіх навучальных установах краіны можна  атрымаць журналісцкую спецыяльнасць. Разам паразважалі аб тым, якімі якасцямі павінен валодаць журналіст, у чым спецыфіка яго дзейнасці ў сучаснай інфармацыйнай прасторы.

Гімназісты цікавіліся, з якіх крыніц рэпарцёры бяруць інфармацыю, як звычайна праходзіць іх дзень і ад чаго залежыць зарплата. Тых рабят, якія праявілі асаблівы інтарэс з відам на “газетныя” перспектывы, запрасілі ў рэдакцыю для больш дэталёвай гутаркі.  Ну а супрацоўніцтва з мясцовым выданнем прапанавана ўсім.