Падпіска

“Дзе яшчэ можна даведацца пра ўсе навіны раёна? Канечне, на старонках “Асіповіцкага края”!” — лічыць наша пастаянная падпісчыца Ларыса Габрыель. Калі дакладна пачала выпісваць “раёнку”, жанчына зараз і не ўспомніць, аднак ведае, што назва была “Запаветы Леніна”, а галоўны рэдактар — Анатоль Тамашэўскі.

— Шмат чаго змянілася, і газета ўжо іншая, але ўсё роўна чытаю яе ад скарынкі да скарынкі, нават пажаданні не пазбаўленыя ўвагі, — расказвае Ларыса Дзмітрыеўна. — І знаёмыя з задавальненнем падпісваюцца на ўжо родную газету. Тут асвятляюцца розныя тэмы, таму кожны зможа знайсці штосьці для сябе. Заўсёды цікава, што робіцца ў горадзе і раёне, як працуюць людзі, што новае выдумляюць і ўвогуле чым займаюцца. Таксама радуюць старонкі з жартамі і сканвордамі, якія дапаўняюць адпачынак у выхадныя дні.