…ў раённым Цэнтры культуры ў рамках патрыятычнай акцыі саюза моладзі “Мы — грамадзяне Беларусі” 23 падлеткі — лепшыя прадстаўнікі адоранай моладзі, выдатнікі вучобы, прызёры і пераможцы рэспубліканскіх алімпіяд, конкурсаў, спаборніцтваў — атрымалі свае першыя пашпарты. Галоўны дакумент юнакам і дзяўчатам уручыў намеснік старшыні райвыканкама Аляксандр Шаўлюга, а падарачны камплект “Я — грамадзянін Рэспублікі Беларусь” і Канстытуцыю краіны — жыхар блакаднага Ленінграда Генадзь Вепраў.

Яшчэ 20 прадстаўнікоў актыўнай моладзі папоўнілі рады райарганізацыі ГА “БРСМ”, і першы сакратар Анна Калодка ўручыла ім членскія білеты.

* * *

Гэты год знамянальны для ўсіх беларусаў: 70 гадоў таму рэспубліка была вызвалена ад нямецка-фашысцкіх захопнікаў.

11 лютага ў вобласці стартавала дабрачынная акцыя “З любоўю да ветэранаў”, у рамках якой гарадам і раёнам перадаецца сімвалічная Кніга Памяці і Славы. Народны літаратурны помнік знаходзіўся ў Асіповічах з 7 сакавіка — эстафету перадалі партызаны Клічаўскага раёна. I вось праз тыдзень старшыня Асіповіцкай райарганізацыі Беларускага грамадскага аб’яднання ветэранаў Міхаіл Слесарэнка ўрачыста перадаў кнігу начальніку аддзела ідэалагічнай работы, культуры і па справах моладзі Бабруйскага райвыканкама Галіне Чарновай.

Гэта кніга пабывае ва ўсіх кутках Магілёўшчыны і вернецца ў абласны цэнтр да юбілею вызвалення Беларусі, а затым будзе перададзена абласному краязнаўчаму музею.