Начальнік Дэпартамента аховы Міністэрства ўнутраных спраў Рэспублікі Беларусь генерал-маёр міліцыі Аляксандр Шэпелеў наведаў Асіповіцкую дзяржаўную спецыяльную агульнаадукацыйную школу-інтэрнат для дзяцей з парушэннем функцый апорна-рухальнага апарата
Начальнік Дэпартамента аховы Міністэрства ўнутраных спраў Рэспублікі Беларусь генерал-маёр міліцыі Аляксандр Шэпелеў наведаў Асіповіцкую дзяржаўную спецыяльную агульнаадукацыйную школу-інтэрнат для дзяцей з парушэннем функцый апорна-рухальнага апарата
Візіт пачаўся з відовішчнай святочнай праграмы. Маленькія гледачы ўважліва сачылі за амаль дэтэктыўнай гісторыяй пошуку чароўнага гадзінніка, які ў Захавальніцы часу скрала Снежная каралева, размарожвалі Снягурку і фіксікаў, спявалі песні, весела танчылі, глядзелі на зладжанае ўзаемадзеянне кінолагаў з іх сабакамі, прадстаўленне штукара і захапляльныя хімічныя вопыты, а пасля запальвалі разам з Дзедам Марозам і Снягуркай агні на прыгожай ёлцы.
Апагеем мерапрыемства стала ўручэнне падарункаў установе і выхаванцам.
— Наведванне школы супрацоўнікамі Дэпартамента аховы ў межах рэспубліканскай дабрачыннай акцыі “Нашы дзеці” стала добрай традыцыяй, — адзначыў Аляксандр Шэпелеў. — Сёння мы прыехалі, каб падарыць салодкія падарункі, парадаваць неверагодна цікавым ранішнікам, шчыра пажадаць самага галоўнага — крэпкага здароўя, мірнага неба, больш яркіх момантаў, якія запомняцца на доўгія гады. Лічу, што ў артыстаў атрымалася падзяліцца навагоднім цяплом як з малымі, так і з дарослымі.
