Па інфармацыі інспекцыі аховы жывёльнага і расліннага свету, сёлета выяўлена наступная колькасць асобін найбольш важных для існавання мясцовай экасістэмы відаў жывёл і птушак: зубр — 254, лось — 360, казуля — 1.100, дзік — 46, алень высакародны — 405, заяц-бяляк — 2.050, заяц-русак — 1.100, вавёрка — 2.830, бабёр — 543, андатра — 1.625, лісіца — 310, куніца лясная — 170, куніца каменная — 50, выдра — 128, норка амерыканская — 498, тхор — 57, воўк — 5, глушэц — 76, цецярук — 744, рабчык — 5.110, шэрая курапатка — 140, качка — 7.216.

Што ж тычыцца дынамікі змянення шчыльнасці папуляцый, то найбольш красамоўна яна выглядае на прыкладзе ўгоддзяў раённай арганізацыйнай структуры РДГА “Беларускае таварыства паляўнічых і рыбаловаў”. У параўнанні з 2013 годам колькасць асобін галоўных паляўнічых відаў мянялася наступным чынам: лось — 240/255, казуля — 730/650, дзік — 620/36, алень высакародны — 65/100, глушэц — 72/72, цецярук — 698/698.

Кідаецца ў вочы рэзкае падзенне колькасці дзікоў. Яно мае штучнае паходжанне — з-за пагрозы эпідэміі афрыканскай чумы свіней на гэты від капытных даволі доўгі час вялося практычна неабмежаванае паляванне.