Супрацоўнікамі АДАІ РАУС за тыдзень папярэджана 163 правапарушэнні. Зарэгістравана тры дарожна-транспартныя здарэнні. Адбылося 11 парушэнняў правіл перавозкі дзяцей, адзін абгон. Тры вадзіцелі былі без пасведчанняў, адзін — у нецвярозым стане. 27 выпадкаў парушэнняў правіл дарожнага руху здзейснілі ўразлівыя ўдзельнікі (веласіпедысты і пешаходы).

АДАІ ўчора правяла спецыяльнае мерапрыемства «Фільтр», у ходзе якога папярэджана 13 парушэнняў правіл дарожнага руху.

На мінулым тыдні адбыўся пажар у аг. Забалацце. Знішчаны хлеў разам з маёмасцю.

РАНС нагадвае: калі агонь невялікі, паспрабуйце справіцца з ім з дапамогай вады, парашку, соды, зямлі. Нельга тушыць толькі ўключаныя электрапрыборы. Калі барацьба з агнём не дае вынікаў, эвакуіруйцеся, зачыніўшы за сабой дзверы. Па задымленым памяшканні перамяшчацца трэба сагнуўшыся ці на карачках і дыхаць праз вільготную тканіну. Ліфтам карыстацца забараняецца.

На мінулым тыдні аддзелам Дэпартамента аховы выяўлены два дробныя крадзяжы і парушэнне правіл дарожнага руху.