Супрацоўнікамі АДАІ РАУС у апошні тыдзень года папярэджана 159 правапарушэнняў. Адміністрацыйную адказнасць панеслі два бяспраўнікі; 19 пешаходоў і веласіпедыстаў, два з якіх нецвярозыя; восем вадзіцеляў, што парушылі правілы перавозкі дзяцей у аўтатранспарце, і чатыры, якія не прадаставілі пешаходам перавагу ў руху. Зарэгістравана 12 ДТЗ.

1 студзеня каля 10 гадзін 30 хвілін вадзіцель “Форда”, рухаючыся па 13 км а/д Асіповічы-Свіслач, не абраў бяспечную хуткасць руху, не ўлічыў умовы надвор’я і на закругленні дарогі не справіўся з кіраваннем. У выніку аўтамабіль з’ехаў у правы па ходзе руху кювет, дзе перакуліўся. Вадзіцель шпіталізаваны з цялеснымі пашкоджаннямі.

Аддзелам Дэпартамента аховы да адказнасці прыцягнуты тры сямейныя скандалісты, парушальнік правілаў дарожнага руху, тры і адзін чалавекі, што вінаватыя ў здзяйсненні дробных крадзяжоў і хуліганства.

У РАНС паведамілі: у першы дзень года пры пажары прыватнаго дома на вул. Чумакова ў райцэнтры загінуў мужчына 1966 года нараджэння. Абставіны здарэння высвятляюцца.

2 студзеня ў САТ “Разліў” полымем знішчаны два будынкі, маёмасць у гаспадарчай пабудове і хляве. Пацярпелых няма.

МНС нагадвае: попел, вуглі і шлак, выдаленыя з печаў, трэба праліць вадой да поўнага згасання, а затым вынесці на вуліцу на бяспечную адлегласць ад збудаванняў.

ІАЖіРС складзены адміністрацыйныя пратаколы па фактах незаконнай транспарціроўкі драўніны і захоўвання забароненых прылад лову.