На сустрэчы з суддзямі Канстытуцыйнага суда, якая адбылася ў пятніцу, Прэзідэнт краіны Аляксандр Лукашэнка не абышоў і такую важную палітычную падзею, як будучыя выбары ў мясцовыя Саветы дэпутатаў ХХVII склікання. Дзеючым дэпутацкім корпусам дасягнуты добрыя вынікі, але, падкрэсліў Кіраўнік дзяржавы, жыццё не стаіць на месцы, яшчэ багата чаго трэба зрабіць. I таму вельмі важна, хто заўтра стане дэпутатам, далей працягне стваральную работу на карысць краіны. “У дні галасавання ў грамадзян ёсць магчымасць самастойна адказаць на гэта пытанне. I таму я звяртаюся да нашых людзей і прашу прыйсці на выбарчыя ўчасткі і зрабіць усвядомлены выбар. Для нас важна меркаванне кожнага чалавека”, — падкрэсліў ён.

У той жа дзень прайшло і пасяджэнне каардынацыйнага савета грамадскіх аб’яднанняў, палітычных партый і прафсаюзных арганізацый Асіповіччыны — і на ім хуткія выбары сталі ўжо наогул лейтматывам размовы.

Старшыня райвыканкама Пётр Шукаловіч напачатку ўзгадаў асноўнае са зробленага ў мінулым, а потым акрэсліў перспектывы развіцця раёна. Не бу-дзем бегчы наперадзе калёс, але карціна атрымліваецца ўразліва-маштабная. Тычыцца гэта і будаўнічых спраў у плане жылля, бальніцы і другой станцыі абезжалезвання вады, і добраўпарадкавання, і “зазямлення” шэрагу буйных інвестыцыйных праектаў у вытворчасці — уключаючы цалкам новыя для рэгіёна — са з’яўленнем, натуральна, значнай колькасці новых рабочых месцаў. Кіраўніцтва райвыканкама ў гэтым накірунку працуе даўно і паслядоўна, да інвестараў у нас заўсёды ставяцца з павагай і паразуменнем, землякі не раз справамі даказвалі, што працуюць як належна, а як партнёры надзейныя, — вось і ўзнікаюць узаемавыгадныя варыянты. Якія пасля абрання дэпутатаў мясцовых Саветаў, канчатковага ўзгаднення шматлікіх “дробязей” паступова і пачнуць набываць рэальныя абрысы, ажыццяўляцца на практыцы.

Непасрэдна на нюансах сёлетняй выбарчай кампаніі спынілася начальнік аддзела арганізацыйна-кадравай работы райвыканкама Ганна Земляну-хіна, а сваё важкае слова наконт праяўлення належнай актыўнасці на выбарчых участках сказалі сакратар райарганізацыі Кампартыі Беларусі Аляксандр Пузік, старшыні раённых арганізацый “Белая Русь”, ветэранаў і “Беларускі Саюз ветэранаў вайны ў Афганістане” Наталля Шаўчэнка, Міхаіл Слесарэнка і Юрый Корбан, многія другія.

Рашэнне каардынацыйнага савета простае і цалкам зразумелае: усім нашым грамадскім фарміраванням, палітычным партыям і прафсаюзам прыняць самы актыўны ўдзел у набліжаючыхся выбарах дэпутатаў мясцовых Саветаў. Што і знайшло адлюстраванне ў аднадушна прынятым звароце да ўсіх неабыякавых землякоў.