Алена Бродская — адна з асіпаўчанак, да якіх ідэальна падыходзіць класічнае “камсамолка, спартсменка, прыгажуня”. Калі працавала на заводзе аўтаагрэгатаў, з імпэтам удзельнічала ў грамадскім жыцці мясцовай моладзі і нават стала фіналісткай конкурсу “Міс Асіповічы-2011”.

Тры с паловай гады назад у яе сям’і нарадзілася дачушка Ксенія, а паўтара месяца таму — сынок Арсеній. Дарэчы, Алена з дзецьмі часова вярнулася на малую радзіму з Мінска, дзе пражывае з мужам. І не толькі таму, што тут дапамагае бабуля. Невялікі ціхі гарадок для жанчыны ў дэкрэтным адпачынку ўвогуле больш зручны, чым мітуслівы мегаполіс.