Дажынкі-2022
198
“Будзь багаты, як восень!” – гаварылі нашы продкі, калі нівы ўпарадкаваліся, а лісце на дрэвах пакрылася вераснёўскім золатам. Менавіта гэта пара асацыявалася са шчодрым сталом. З даўніх часоў захавалася і добрая традыцыя: святкаваць канец жніва, гарачай уборачнай пары і цяжкай працы, так вымовіць, з размахам. Сёння аграгарадок Вяззе стаў эпіцэнтрам сельскагаспадарчага жыцця раёна. Нагода самая прыемная: любімае ўсімі свята ўраджаю “Дажынкі”.
Сюды на раённы фэст працаўнікоў вёскі з’ехаліся лепшыя хлебаробы раёна. Кіраўнікі гаспадарак, камбайнеры і вадзіцелі, аператары зернесушыльных комплексаў і механізатары, аграномы і паляводы, повары – сёння яны прымалі віншаванні і ўдзячнасць за плённую працу.
Старшыня райвыканкама Канстанцін Жыгуцкі і першы намеснік старшыні камітэта па архітэктуры і будаўніцтве Магілёўскага аблвыканкама Аляксандр Балашэнка адзначылі важную ролю сельскай гаспадаркі ў жыцці краіны, выказалі словы падзякі і ўручылі ўзнагароды перадавікам гаспадарак. Праца хлебаробаў не засталася без увагі дырэктара ТАА “БНБК-Агра” Надзеі Каткавец. Павіншаваўшы аграрыяў з завяршэннем гарачай пары, яна пазнаёміла прысутнічых з напрамкамі работы таварыства і планамі па развіцці сельгаспрадпрыемстваў раёна.
Больш падрабязна пра “Дажынкі-2022” чытайце ў “АК” № 75 ад 28.09.2022.
