Памяць

Кветкі — герою

Нямала слаўных людзей нарадзіла асіповіцкая зямля. Адзін з іх — Сяргей Каданчык. Ура-джэнец Маісеевіч з 1928 года знаходзіўся ў радах Чырвонай арміі. Удзельнічаў у вызваленчым паходзе савецкіх войск у Заходнюю Беларусію ў 1939 годзе, у савецка-фінляндскай вайне 1939-1940 гадоў. З першага дня Вялікай Айчыннай мужна змагаўся с фашыстамі. Удзельнічаў у Новарасійскай аперацыі.

11 верасня 1943 года полк падпалкоўніка Каданчыка штурмам заўладаў умацаванымі пазіцыямі праціўніка. Цяжкія баі працягваліся некалькі дзён — 16 верасня порт і горад былі цалкам вызвалены. Але Сяргей Мікалаевіч не дажыў да гэтага радаснага дня: ён загінуў напярэдадні. А званне Героя Савецкага Саюза адважнаму афіцэру было прысвоена ўжо пасмяротна. Узнагароджаны ён і ордэнамі Леніна, Чырвонага Сцяга, Чырвонай Зоркі. Пахаваны ў брацкай магіле на плошчы Герояў у Новарасійску.

Нядаўна дэсантнікі з Віцебска ўдзельнічалі ў вучэннях, якія праходзілі ў горадзе-героі, дзе пахаваны наш славуты зямляк. Ад імя ўсіх жыхароў Асіповіччыны яны ўсклалі кветкі да месца спачыну патрыёта Сяргея Каданчыка, імя якога носяць вуліцы Новарасійска і Асіповіч.