Напрыканцы мінулага тыдня адбылося падвядзенне вынікаў традыцыйнага раённага конкурсу, які праводзіць фотаклуб “Раніца”.

У сёлетні фінал прайшлі 22 удзельнікі, якія прадаставілі больш за 150 фотаздымкаў. Пераможцамі ў намінацыі “Прыгажосць роднага краю” сталі Віталь Бажкоў, Мікалай Кухарэнка, Яўген Архіпаў, якія занялі адпаведна першае, другое і трэцяе месцы сярод дарослых. Дыпломы першай і другой ступені сярод дзяцей атрымалі Меланія Каляда і Кірыл Марчанка.

У намінацыі “Нашы землякі” ў тройцы лідараў — Яніс Гарбанюк, Максім Баглаеў і Аляксандр Бараноўскі, а першае і другое месцы сярод дзяцей  занялі Дзяніс Ерашэвіч і Марыя Новік.

Выніковая фотавыстава з лепшых конкурсных работ упершыню размешчана ў раённым краязнаўчым музеі і дэманструецца да 25 ліпеня. Уваход свабодны.

Варта адзначыць, што кіраўнік фотаклуба “Раніца” Алена Ерашэвіч пры афармленні экспазіцыі прымяніла шэраг арыгінальных і нечаканых мастацкіх прыёмаў, што дазволіла пераўтварыць асобныя работы ў цэльны і дынамічны калектыўны твор, свайго роду відовішчны фотафільм пра родны край.

Дзмітрый САЎРЫЦКІ. Фота – клуб “Раніца”.