Нядаўна для жыхароў раёна праводзілася “прамая тэлефонная лінія” па пытаннях гандлёвага абслугоўвання. Адно з
іх паступіла з вёскі Забалацце ад Алега Клёнава і тычылася гандлёвага павільёна райста, які тут размешчаны. На думку Алега Яўгеньевіча, абслугоўванне насельніцтва ім
жадае быць лепшым: малы па памерах, у зімовы час не ацяпляецца, асартымент падтрымліваецца толькі асноўнай групай тавараў. У вёсцы пражывае каля 400 чалавек, і
пры ўсім жаданні прадаўца задаволіць пакупніцкі попыт не заўсёды ўдаецца.

“А чаму б не размясціць магазін у былой канторы неіснуючага зараз сельгаспрадпрыемства “Пратасевічы?” — запытаўся Клёнаў.

“Раёнка” звярнулася з просьбай патлумачыць сітуацыю да старшыні праўлення райспажыўтаварыства Аляксандра Ковача. Па яго словах, пытанне з паляпшэннем умоў гандлю ў аграгарадку Забалацце павінна вырашыцца ў бліжэйшыя месяцы. Райста гатова арандаваць узгаданае памяшканне, зрабіць там рамонт, устанавіць патрэбнае абсталяванне і пачаць гандаль, каб сяльчанам не прыходзілася ехаць па
тавары паўсядзённага попыту ў
блі–жэйшыя магазіны, размешчаныя ў Пратасевічах або Асіповічах.