АСIПОВIЦКАЕ ДУКВП “РАЙСЭРВIС” у I квартале здало дзяржаве макулатуры 25 тон, шклабою — 29, ПЭТ-бутэлек — 2,7, паношаных шын — 1, тэкстылю — 270 кілаграмаў.
КАМIСIЙНЫ МАГАЗIН ААТ “ГАНДАЛЬ” штомесяц прымае ад насельніцтва на камісію рэчаў, якія былі ва ўжыванні, прыкладна на 15 мільёнаў.

ГРАДЗЯНСКI ЛЕСАПУНКТ ААТ “ФАНДОК” займаецца нарыхтоўкай, раскрыжоўкай і пагрузкай драўніны, якая пасля накіроўваецца на перапрацоўчыя фабрыкі краіны. У сакавіку яго работнікі адгрузілі каля 800 кубаметраў карыснай сыравіны.

Як паведамілі ў РАЁННЫМ ВУЗЛЕ ЭЛЕК-ТРАСУВЯЗI, стацыянарнымі радыёкропкамі карыстаецца 9.700 чалавек. З кожным месяцам іх колькасць змяншаецца прыкладна на сотню.
У ВУЧЭБНА-ВЫТВОРЧЫМ КАМБIНАЦЕ на базе мясцовага каледжа сямі рабочым спецыяльнасцям навучаецца 230 старшакласнікаў. Палова з іх хутка атрымае кваліфікацыйныя пасведчанні, якія даюць магчымасць працаўладкавання на прадпрыемствы.
НА ЛЕТНIХ КАНIКУЛАХ за кошт сродкаў рэспубліканскага бюджэту і дзяржаўнага сацыяльнага страхавання змогуць адпачыць і паправіць здароўе каля 2 тысяч юных асіпаўчан. Вызначана датацыя, якая ў параўнанні з мінулым годам значна ўзрасла. Так, са сродкаў дзяржсацстраху на патанненне адной пуцёўкі ў лагеры з кругласутачным знаходжаннем будзе накіравана 900 тысяч (летась — 605), з дзённым — 350 (230), у профільныя тэрмінам не менш за 9 дзён — 360 (235). Плануецца, што сярэдні кошт пуцёўкі з кругласутачным знаходжаннем дасягне 2 млн. 117,5 тысячы, датацыяй пакрыецца 49,7%. Бацькоўская даплата — каля 10%. Ахоп аздараўленнем складзе каля 37% ад агульнай колькасці дзяцей ад 6 да 18 гадоў.