У ноч з 6 на 7 ліпеня беларусы адзначылі адно з самых чароўных і таямнічых традыцыйных свят — Купалле. Яно лічыцца вельмі старажытным і мае паганскія карані. Святкаванне было заўсёды звязана з днём летняга сонцастаяння. Нашы продкі атаясамлівалі Купалле з культам сонца. У гэту ноч людзі дзякавалі агонь, ваду і зямлю. Паводле паданняў, па зямлі гуляла нячыстая сіла, а чалавек праходзіў ачышчэнне агнём і вадой.
Штогод узнаўляюць традыцыі Купалля асіпаўчане. Вось і работнікі Ясенскага, Каменіцкага, Вяззеўскага, Каўгарскага, Татаркаўскага, Ліпенскага і іншых сельскіх клубных устаноў і жыхары вёсак сустрэлі чароўную ноч тэатралізаванымі прадстаўленнямі, музычна-забаўляльнымі праграмамі і купальскімі вогнішчамі.

А самыя смелыя адправіліся шукаць легендарную папараць-кветку.
Фота Нэлі АСТРЭЙКI.