Адзін за другім жыхары Ліпеня ідуць галасаваць.
— Па стане здароўя не змагла б наведаць участак у асноўны дзень, таму з дапамогай зяця прыйшла на датэрміновае галасаванне, — расказвае Ніна Казляк. — Вельмі спадабалася арганізацыя: упрыгожаны зал, дзяўчаты ў камісіі ветліва сустракаюць кожнага. Усё гэта стварае нейкую асабліва ўтульную і адначасова ўрачыстую атмасферу.
Што тычыцца самой Канстытуцыі, то лічу, што ўсе прапанаваныя змены вядуць толькі да лепшага. Немалаважна і тое, якая роля надаецца выхаванню дзяцей і моладзі ў духу патрыятызму, бо ў апошні час выразна бачна, што мы ўпусцілі важны момант, не далі ім дастаткова тых ведаў, каб яны маглі цаніць мір і здабыткі многіх пакаленняў, як гэта робяць іх мамы і таты, бабулі і дзядулі. Хочацца верыць, што новаўвядзенні дапамогуць выправіць становішча.