Абласныя Засеўкі на Асіповіччыне

Месцам правядзення абласнога свята «Засеўкі» стала поле ААТ “Асіповічыаграпрамтэхзабеспячэнне” каля аграгарадка Забалацце.

Правядзенне старажытнага рытуалу напачатку веснавой сяўбы сімвалізуе пераемнасць пакаленняў у хлебаробскай справе, падкрэслівае павагу нашага народу да роднай зямлі і закладвае сімвалічную аснову будучага ўраджаю.

У мерапрыемстве прыняў удзел старшыня Магілёўскага аблвыканкама Анатоль Ісачанка,першы намеснік старшыні Магілёўскага аблвыканкама Сяргей Савіцкі, старшыня Асіповіцкага райвыканкама Канстанцін Жыгуцкі, дырэктар па сельскай гаспадарцы ЗАТ «Беларуская нацыянальная тэхналагічная карпарацыя» Надзея Каткавец, прадстаўнікі сельскагаспадарчай галіны, епіскап Бабруйскі і Быхаўскі Серафім.

Падчас свята адбылася тэатралізаваная дэманстрацыя пачатку пасяўной. Госці змаглі параўнаць, як абрад праводзіўся ў даўніну і якая тэхніка выкарыстоўваецца для гэтых мэтаў сёння. Перад пачаткам работ зерне і аратых акрапілі святой вадой.

Падрабязней — у бліжэйшым нумары раёнкі