На працягу студзеня грамадская арганізацыя
“Ахова птушак Бацькаўшчыны” ў супрацоўніцтве з шэрагам іншых зацікаўленых
структур праводзіць улік зімуючых на вадаёмах птушак.

Арганізатары “перапісу” звяртаюцца да ўсіх
аматараў прыроды з просьбай агледзець бліжэйшы вадаём, палічыць убачаных на
незамярзаючых участках вадаплаўных, водна-балотных і каляводных птушак. Па
магчымасці пры правядзенні ўліку трэба вызначыць узрост і пол убачаных асобін.

Сабраную інфармацыю трэба перадаць да 7 лютага
на адрас: Сакратарыят АПБ, а/я 81, Мінск, 220023, па электроннай пошце
info@ptushki.org, у адпаведны раздзел форуму сайта www.info@ptushki.org, альбо
па тэлефоне 8 (017) 263-01-30.

Усе ўдзельнікі атрымаюць поўную інфармацыю аб
выніках уліку, а кожны, хто своечасова дашле справаздачу аб назіраннях, бу-дзе
прымаць удзел у розыгрышы палявых бінокляў.