Як паведамілі ў райбальніцы, у 2010 годзе
работнікі радзільнага аддзялення дапамаглі з’явіцца на свет 397 маленькім
асіпаўчанам.

Сёлета медыкі-акушэры прынялі роды ўжо ў васьмярых парадзіх — нарадзіліся 4 хлопчыкі і столькі ж дзяўчынак.

1 студзеня сям’я Клімовічаў з Жорнаўкі,
напрыклад, папоўнілася яшчэ адной дачушкай, якой бацькі далі імя Аляксандра.
Менавіта ёй пашчасціла быць першай у спісе народжаных у 2011 годзе. Дзень
Хрыстова Нараджэння будзе двайным святам і для асіпаўчанкі Вольгі Аляшкевіч і
яе сям’і. Акрамя Ражджаства, у сям’і будуць адзначаць і народзіны сына.

…Кажуць, што людзі, якім суджана прыйсці ў
гэты свет падчас якіх-небудзь свят, асабліва рэлігійных, больш паспяховыя і
ўдачлівыя. Няхай жа на самай справе так і будзе!