ЗЯМЛЯ,
ФIНАНСЫ, ЗАКОННАСЦЬ — гэта толькі
асобныя пытанні, якія абмяркоўваліся на чарговым пасяджэнні райвыканкама 21
лістапада, якое прайшло пад началам старшыні Пятра Шукаловіча.

З інфармацыяй
аб рацыянальным і эфектыўным выкарыстоўванні землекарыстальнікамі земляў,
размешчаных на тэрыторыі Пратасевіцкага сельскага Савета, выступіла начальнік
землеўпарадкавальнай службы райвыканкама Наталля Пуліновіч. Было адзначана, што
пэўная работа ў гэтым накірунку вядзецца. У ААТ
“Асіповічыаграпрамтэхзабеспячэнне”, напрыклад, за кошт больш эфектыўнага
выкарыстання зямель ураджайнасць зерневых і зернебабовых культур вырасла з 26,4
цэнтнера з гектара ў 2010 годзе да 38,1 сёлетніх, хаця сярэдняя ўраджайнасць
па-ранейшаму ніжэй сярэднераённай (38,1 ц/га).

Усяго ў
сельсавеце з 2006 года знесена 9 ляда-шчых і кінутых дамоў, а з 2008 года
пераразмеркавана больш за 208 гектараў раней невыкарыстоўваемых зямель. У гэтым
го- дзе сельвыканкамам больш за 20 гектараў перададзена ААТ
“Асіповічыаграпрамтэхзабеспячэнне” і дослед-наму лясгасу, але першае з усіх
перададзеных зямель 25 гектараў усё яшчэ ў сельгасабарот не ўключыла. Ёсць
“гуляючая” зямля ў вёсках Пабокавічы, Дубавое, Ставішча. У гаспадарцы 3.278
гектараў асушаных плошчаў, але яны не паўсюдна належным чынам дагледжаны, у
прыватнасці — тыя ж меліярацыйныя каналы.

Сельвыканкамам
недастаткова вядзецца работа па навядзенні парадку на зям-лі,
добраўпарадкаванні тэрыторый і г.д. Зямельныя ўчасткі, якія размешчаны блізка
да адміністрацыйных і грамадскіх будынкаў, нярэдка зарастаюць пустазеллем, а
належныя меры да выпраўлення хібаў не прымаюцца. За неэфектыўнае выкарыстанне
плошчаў землеўпарадкавальнай службай выдадзена 8 прадпісанняў, вынесена 1
па-станова і накіраваны пратакол у суд для прыцягнення вінаватых да
адміністрацыйнай адказнасці. Вы-праўлена 7 выяўленых парушэнняў.

Размовай пра
работу на зямлі і з зямлёй толькі на тэрыторыі Пратасевіцкага сельсавета члены
райвыканкама не абмежаваліся: падобных недахопаў хапае і ў іншых месцах. I гэта
таксама знайшло адлюстраванне ў прынятым рашэнні.

Аб выніках
праверак выканання фінансава-бюджэтнага заканадаўства пасялковымі і сельскімі
выканаўчымі камітэтамі інфармацыю зрабіла начальнік фінаддзела райвыканкама
Ларыса Белая. Праверкі — у адпаведнасці з каардынацыйнымі планамі —
праводзіліся ў Вяззеўскім, Дараганаўскім, Дрычынскім, Карытнянскім, Лапіцкім,
Ліпенскім, Пратасевіцкім, Свіслацкім сельскіх і Татаркаўскім пасялковым
выканкамах, і яны выявілі выкарыстоўванне бюджэтных сродкаў з парушэннем
заканадаўства (1.540,1 тыс. руб.), незаконнае іх атрыманне з бюджэту (больш за
530 тысяч), нанясенне шкоды (277,9 тыс.) і недахоп таварна-матэрыяльных
каштоўнасцей (133 тысячы рублёў). Недахопы ў ходзе праверак выпраўлены.

На пытанні аб
стане і мерах па ўмацаванні правапарадку за студзень-верасень спыніўся
начальнік РАУС Андрэй Гаварака. I галоўны прыемны момант такі: у раёне
адзначаецца станоўчая дынаміка памяншэння крымінальных праяўленняў. У рэгіёне
менш зарэгістравана злачынстваў (на 26,5%), здзейсненых у групах,
непаўналетнімі, раней судзімымі, у стане алкагольнага ап’янення за рулём і
наогул п’янымі, паменшылася колькасць цяжкіх і асабліва цяжкіх, крадзяжоў і
г.д. Хаця ўзровень злачыннасці па-ранейшаму застаецца адным з самых высокіх на
Магілёўшчыне: за 9 месяцаў года — 103,7 злачынства на 10 тысяч насельніц-тва
(такі ж перыяд летась — 138,6) пры паказчыку па вобласці 76,8 (104).

У горадзе
зарэгістравана 328 злачынстваў, у сельскай мясцовасці — 199 (больш усяго — на
тэрыторыях Вяззеўскага, Лапіцкага, Пратасевіцкага і Ясенскага сельсаветаў).

Колькасць
крадзяжоў усіх відаў уласнасці паменшылася на 45,7% — з 405 да 315. Яны,
дарэчы, у асноўным здзяйсняюцца з жытла грамадзян: удзельная вага — 38,1%. У
наяўнасці рост крадзяжоў чорных і каляровых металаў (на 6,1%), а таксама дзяржуласнасці
(на 4,7%). Прычым адна з прычын апошняга — непрыняцце належных мер суб’ектамі
гаспадарання па тэхнічнай умацаванасці аб’ектаў за-хоўвання
таварна-матэрыяльных каштоўнасцей. Сёлета па ўзгаданых недахопах супрацоўнікамі
РАУС вынесена 146 прадстаўленняў, таксама выяўлена 6 фактаў адсутнасці
вартаўнікоў і 2 — знаходжання іх у стане алкагольнага ап’-янення. З-за
невыканання прадстаўленняў у адносінах да 7 пасадавых асоб складзены
адміністрацыйныя пратаколы, з іх 5 прыцягнуты судом да адказнасці.

Па ўзгаданаму
пытанню, як і па іншых — усяго на пасяджэнні райвыканкама разгледжана іх больш за
6 дзясяткаў — прыняты адпаведныя рашэнні.