Намеснік міністра адукацыі краіны спецыяльна
прыехаў са сталіцы на пасяджэнне райвыканкама для таго, каб прыняць актыўны
ўдзел у разглядзе пытання “Аб стане і мерах па паляпшэнні работы з кадрамі ва
ўстановах адукацыі раёна”. I Казімір Фарыно ў цэлым рабоце нашых педагогаў,
выхавацеляў і г.д. выставіў высокую ацэнку. I — па за-слугах: аддзел адукацыі
па выніках работы на працягу 4 гадоў — 2006-2008 і 2010 — займаў першае месца,
а ў 2009 годзе стаў другім у абласным конкурсе сярод раёнаў з колькасцю
насельніцтва больш за 25 тысяч чалавек. Хаця хапае і момантаў, якія аддзел
адукацыі райвыканкама, школы, садкі і іншыя ўстановы абавязкова павінны
станоўча вырашаць, каб рухацца наперад у сваёй высакароднай справе яшчэ хутчэй.
На іх і была звернута ўвага і ім, і старшынёй райвыканкама Пятром Шукаловічам,
які вёў пасяджэнне.

У цэлым, як праінфармавала начальнік аддзела
арганізацыйна-кадравай работы райвыканкама Наталля Змачынская, раён забяспечаны
педкадрамі і паспяхова вырашыў адну з галоўных сацыяльных задач: створаны
роўныя ўмовы для выхавання і абучэння дзяцей у гора-дзе і на вёсцы.

Усяго на Асіповіччыне ў сістэме адукацыі працуе
2.664 чалавекі, з якіх 1.227 — педагагічныя работнікі. Захоўваецца станоўчая
дынамі-ка росту якаснага складу апошніх: доля настаўнікаў з вышэйшай адукацыяй
у параўнанні з 2000-2001 навучальным годам вырасла на 5,6%, а раённы паказчык
колькасці педагогаў з першай і вышэйшай катэгорыямі (80,2%) перавышае абласны
на 6,1%. Павысіўся кваліфікацыйны ўзровень і педагогаў дашкольных устаноў.

Усяго ў нас больш за 70% педагогаў маюць стаж
работы па спецыяльнасці звыш 15 гадоў, ад 10 да 15 — 11,5%. Установы адукацыі
кадрамі забяспечаны, у раёне склаліся пастаянныя педагагічныя калектывы, і гэта
зводзіць да мінімуму бягучасць. За пяцігодку 417 чалавек прайшлі атэстацыю, з
іх на вышэйшую — 120.

Станоўчых, карацей, прыкладаў можна прыводзіць
шмат, а вось тое, што кожны трэці дырэктар ужо дасягнуў пенсіённага ці
перадпенсіённага ўзросту, прымушае задумацца. Як і тое, што колькасць
прыбываючых у раён спецыялістаў істотна ніжэй рэальнай па-трэбы, што далёка не
ўся моладзь пасля “адпрацоўкі” застаецца ў рэгіёне, што па-ранейшаму востра
адчуваецца недахоп у спецыялістах фізіка-матэматычнага і хіміка-біялагічных
профіляў, што ёсць асобныя ўстановы адукацыі — Градзянецкая і Цэльская сярэднія
школы, Дрычынскі і Красненскі вучэбна-педагагічныя комплексы — з нізкай доляй
настаўні-каў з вышэйшай адукацыяй і г.д.

Удакладніўшы шэраг момантаў непасрэдна ў
начальніка аддзела адукацыі Наталлі Шаўчэнка, члены райвыканкама і прынялі
адпаведнае рашэнне.