21 снежня пад началам старшыні Аляксандра Пузіка прайшла дваццаць сёмая сесія раённага Савета дэпутатаў дваццаць шостага склікання, у рабоце якой прыняў удзел старшыня
райвыканкама Пётр Шукаловіч.

Напачатку даклады
“Аб прагнозе сацыяльна–эканамічнага развіцця Асіповіцкага раёна на 2013 год” і ”Аб раённым бюджэце на 2013 год” зрабілі адпаведна намеснік начальніка аддзела эканомікі райвыканкама, загадчык сектара эканамічнага аналізу і прагназавання Аксана Александрова і намеснік начальніка фінансавага аддзела райвыканкама Вольга Фарыён, а судаклад пастаяннай камісіі фінансава–бюджэтнай і па пытаннях фінансава–крэдытнай сферы — намеснік старшыні райсавета Ала Пунчанка. У іх абмеркаванні прынялі ўдзел дэпутаты райсавета Вячаслаў Мяржынскі, Віталь Нікалайчык і Валянціна Хісаева, пасля чаго па ўзгаданых пытаннях сесія прыняла адпаведныя рашэнні.

Быў таксама зацверджаны пералік аб’ектаў, фінансаванне будаўніцтва (рэканструкцыі) якіх ажыццяўляецца ў 2013 годзе за кошт сродкаў райбюджэту, прадугледжаных па артыкуле “Капітальнае будаўніцтва”; унесены змяненні ў рашэнні райсавета дэпутатаў ад 24.12.2010 г. № 6-8 і ад 25.05.2011 г. № 10-8 і змяненні і дапаўненні ў рашэнне ад 29.02. 2012 г. № 19-4; прызнаны страціўшымі сілу рашэнні райсавета ад 23.05.2012 г. № 21-9 і ад 22.09.2010 г. № 3-10; вызначаны ліміты здабычы (забірання) падземных водаў і агульнараспаўсюджаных карысных выкапняў на 2013 год і план работы раённага Савета дэпутатаў і яго органаў на
будучы год.

Усяго на апошняй
у гаду сесіі дэпутатамі было разгледжана 10 пытанняў.

На
пазачарговай дваццаць
шостай сесіі раённага Савета дэпутатаў дваццаць шостага склікання, якая 10
снежня прайшла пад началам старшыні райсавета Аляксандра Пузіка, было
разгледжана 9 пытанняў.

Пасля інфармацый начальніка
фінансавага ад-дзела райвыканкама Ларысы Белай дэпутаты ўдакладнілі асобныя
паказчыкі раённага бюджэту на 2012 год і ўнеслі змяненні ў рашэнне райсавета ад
27.12.2011 г. № 18-2, дапаўненні — ад 19.10. 2011 г. № 15-5, дапаўненні і
змяненні — ад 27.12. 2011 г. № 18-4, а таксама прызналі страціўшымі сілу
некаторыя рашэнні раённага Савета дэпутатаў.

Таксама былі зацвер-джаны стаўкі платы
за арэнду паляўнічых і рыбалоўных угоддзяў, прыняты рашэнні наконт арганізацыі
дастаўкі інвалідаў і кампенсацыі за праезд, адміністрацыйна-тэрытарыяльным
устройстве Асіповіцкага раёна і ліміту здабычы грунту (дапаўненне да рашэння
райсавета ад 27.12.2011 г. № 18-6).

На
парадак дня пазачарговай дваццаць пятай сесіі раённага Савета дэпутатаў
дваццаць шостага склікання, якая прайшла 31
кастрычніка пад началам старшыні райсавета Аляксандра Пузіка, было вынесена
5 пытанняў.

Напачатку пасля інфармацыі старшыні
пастаяннай камісіі
мандатнай і па пытаннях мясцовага кіраўніцтва і самакіраўніцтва Міхаіла Белага сесія прызнала паўнамоцтвы двух дэпутатаў раённага Савета дэпутатаў, абраных 23 верасня 2012 года — Алы Селівончык і Дзмітрыя Пестава, а потым былі перагледжаны і зацверджаны саставы пастаянных камісій і прэзідыума райсавета. Намеснік начальніка аддзела эканомікі, загадчык сектара эканамічнага аналізу і прагназавання райвыканкама Аксана Александрова спыніла ўвагу прысутных на некаторых пытаннях кіравання і распараджэння маёмасцю, а таксама на неабходнасць унясення асобных дапаўненняў у рашэнне райсавета ад 23 мая 2012 года № 21-7. Па іх дэпутатамі таксама
былі прыняты адпаведныя рашэнні.