Амаль у кожнага ёсць куточак памяці і смутку —
месца на могілках, дзе пахаваны родныя і дарагія людзі. Яго наведваюць для
ўспамінаў, туды ідуць па параду. I абавязкова трымаюць у чысціні і парадку.

У Ліпенскім сельсавеце прытрымліваюцца народнай
традыцыі прыбірання месцаў спачыну да Радуніцы, і зараз ужо правялі спільванне
сухіх дрэў на могілках у Бозаку, Хімным, правядуць работы ў Брыцалавічах.
Акрамя таго, завяршаецца рамонт агароджы ў Знаменцы, наперадзе —
добраўпарадкаванне могілак ва Усціжы. Да Дня Перамогі сумесна з су-працоўнікамі
міліцыі і вялікагарожскай ваеннай часці будуць прыведзены ў належны выгляд
брацкая магіла і мемарыяльны комплекс у Брыцалавічах, а школьнікі і працаўнікі
“Белшыны-агра” дапамогуць добраўпарадкаваць мемарыяльны комплекс у
вёсцы Бозак.

“Прыхарошваюць” жыхары вёсак і ўласныя
дамы разам з прыдваровымі тэрыторыямі. Як заўсёды, радуюць вока сядзібы
Вікторыі Купрыенка, Iнгі Астравух, Iрыны Самусенка. Прыклад для маладых падае
Галіна Семчанка. Гэтыя гаспадыні не толькі клапоцяцца аб чысціні і парадку, але
праяўляюць фантазію, прыўносяць штосьці сваё цікавае для ўпрыгажэння знешняга
вы-гляду двароў і навакольнай тэрыторыі, ствараючы цэлыя дызайнерскія
комплексы.

Дарожнае рамонтна-будаўнічае ўпраўленне
адрамантавала з’езд з вуліцы Р.Кунько на вуліцу Зялёную ў Ліпені, а ДУКВП
“Райсэрвіс” ажыццяўляе частковы рамонт вуліцы Паўднёвай.

Плануецца і далей працягваць знос дамоў, якія
знаходзяцца ў аварыйным стане.

…Жыццё вёсак ідзе наладжаным шляхам, уступаючы
ў чарговы гадавы віток кола часу, які ў сялян традыцыйна пачынаецца вясной.