ТАТАРКА

У пасёлку ў склад 3 вулічных камітэтаў увахо-дзяць 15
чалавек.

Звычайна ў студзені складаецца гадавы план работы,
які карэкціруецца згодна з умовамі надвор’я. У асноўным вулічкамы ўдзельнічаюць
у добраўпарадкаванні паселішча, інфармуюць кіраўніцтва аб праблемах, з якімі
сутыкаюцца мясцовыя жыхары. Нядаўна татаркаўскія актывісты ачысцілі ад снегу
прыдамавыя тэрыторыі і прабілі каналізацыйныя калодзежы на вуліцах Ленінская,
Прамысловая і Заслонава. У цёплыя месяцы арганізуюцца суботнікі: сумесна
прыбіраюцца грамадзянскія могілкі, брацкія пахаванні і помнік загінуўшым у
Вялікай Айчыннай вайне, робяцца клумбы, абкошваюцца падворкі. Заўжды ахвотна
ўдзельнічаюць у добраўпарадкаванні Ядзві-га Чаропка, Ніна Койпіш, Iван Салавей,
Iрына Патупчык, Марына Осіпава, Iван Чарнушэвіч, Аляксандр Пятроў, Аляксандр
Зінкевіч.

Да старшынь камітэтаў аднасяльчане звяртаюцца з
рознымі просьбамі: наладзіць вулічнае асвятленне, вывезці смецце, асушыць
затопленыя канавы, прывезці паліва на зіму, замяніць вёдры і ланцугі ў студнях
і інш. Пытанні вырашаюцца потым з дапамогай пасялковага Савета.

Акрамя таго актывісты разам з супрацоўнікамі
сацыяльнай службы наведваюцца да ўсіх адзінокіх пажылых людзей. Нямала турботаў
прыносяць былыя мінчане, многія з якіх пераехалі сюды з дапамогай “добрых
дзядзяў”-рыэлтараў. Людзі гэтыя “законапаслухмяныя”, нярэдка
злоўжываюць алкаголем, неахвотна ідуць на кантакт. Да такіх небяспечных асоб
членам вулічных камітэтаў прыходзіцца завітваць разам з медыкамі і
міліцыянерамі…