Клапаціцца грамадой

Усе важныя пытанні мясцовага значэння Градзянскі
сельскі Савет дэпутатаў вырашае ў цесным кантакце з насельніцтвам, дэпутатамі,
прадстаўнікамі грамадскіх арганізацый. Значную дапамогу аказваюць таксама і
кіраўнікі некаторых прадпрыемстваў, размешчаных на тэрыторыі сельсавета.

— Без іх дапамогі іншы раз цяжка абысціся, —
гаворыць старшыня мясцовага Савета Валянціна Хісаева. — Напрыклад, падчас
летняй пары прыходзіцца займацца абкошваннем травы — гэта адна з асноўных задач
па добраўпарадкаванні вуліц населеных пунктаў. Справіцца з ёй было б цяжка, каб
не паслугі калгасаў. Асабліва трэба адзначыць кіраўніка “Чырвонага ўдарніка”
Віктара Стурліса. Па яго распараджэнні калгаснік, які добра ўпраўляецца з
мотакасой, рэгулярна абкошваў участкі ў Пагарэлым і іншых вёсках, якія
знаходзяцца ў межах гэтай гаспадаркі. Зімой — праблема з ачысткай вуліц ад
снегу. Ніколі не адмаўляў у гэтай паслузе былы старшыня калгаса “Новы шлях”,
спадзяюся, што і цяперашняе кіраўніцтва адгукнецца на просьбу пры неабходнасці.
Нала-джана сувязь з Гра-дзянскім і Каменіцкім лясніцтвамі. Кіраўнік апошняга
Аляксандр Сідэнка вы-дзяляе тэхніку для падвозу дроў састарэлым грамадзянам.
Дзякуючы яму была арганізавана работа па перавозцы з Ліпеня ў Казімірава
штыкетніка для агароджы мясцовых могілак. Лясніцтвы замацаваны за помнікамі загінуўшым
у гады вайны, ажыццяўляюць догляд за імі. Мясцовы ўчастак Асіповіцкага
леспрамгасу на чале з Анатолем Лосевым, дэпутатам з салідным стажам, прыходзіць
на выручку адным з першых. Безумоўна, разумею, што ў гаспадарак хапае сваіх
праблем, але без сумеснага вырашэння некаторых пытанняў проста не абысціся. Каб
жыхарам нашага Савета жылося камфортней, клапаціцца аб гэтым трэба ўсёй
грамадой.

З думкай аб дабрабыце

У Свіслацкім сельсавеце, як паведаміў яго
старшыня Леанід Французаў, заканчваецца рамонт зламанага паркана па цэнтральнай
вуліцы Кліменкі. Працягваецца і заключэнне дагавораў на вываз цвёрдых бытавых
адыходаў. Належная ўвага надаецца сям’і, становішчу дзяцей у ёй. Зараз адной з
жыхарак надаецца статус апекуна, у падрыхтоўцы дакументаў дапамагае і
сельсавет. Рэгулярна праводзіцца аб’езд інвалідаў, удзельнікаў вайны з мэтай
своечасовага аказання дапамогі.

З такіх, на першы погляд дробных, жыцейскіх
клопатаў і складаецца паўсядзённая работа сельскага Савета, абумоўлены знешні
вы-гляд населеных пунктаў, дабрабыт сялян.