Самы папулярны від страхавання ў жыхароў раёна —
добраахвотнае страхаванне пабудоў. На яго прыпадае 30% ад агульнай колькасці
заключаемых дагавораў.

Самая вялікая сума, на якую быў застрахаваны
жыхар Асіповіччыны ў 2011 го-дзе, — 275.901.400 рублёў.

Самая вялікая выплата, якую ажыццявіў сёлета наш
“Белдзяржстрах”, — 21 мільён рублёў у адпаведнасці з дагаворам страхавання
грамадзянскай адказнасці перавозчыка перад пасажырамі.

Сама больш страхавых выпадкаў — 605 — адбылося
сёлета ў маі-чэрвені. Напрыклад, пасля моцных дажджоў і шквалістага ветру
толькі за два тыдні чэрвеня было складзена 87 актаў, на падставе якіх
адбываліся выплаты грамадзянам. Менш за ўсё турбот страхаўшчыкам прынеслі
верасень і кастрычнік.

Самая вялікая колькасць дагавораў за апошняе
дзесяцігоддзе было за-ключана ў 2011 годзе.

Самыя актыўныя жыхары ў плане страхавання
пражываюць у вёсках Вяззе, Лапічы, Свіслач, Каменічы і Ліпень.

Самы вялікі стаж работы ў “Белдзярж-страху”
маюць Ядвіга Адамаўна Гальчэня — 38 гадоў, Ларыса Аляксандраўна Шчасновіч — 37,
Святлана Іванаўна Шамецька — 34.