На крытычныя заўвагі, выказаныя ў матэрыяле
“Дарожныя замалёўкі” (гл. “АК” № 71 ад 19.08.2011 г.)
адказвае дырэктар Асіповіцкага філіяла Аўтапарк № 19 ААТ
“Магілёўаблаўтатранс” Генадзь Прусакоў:

— Уборкай аўтобусаў перад выездам на лінію
займаюцца дзве прыбіральшчыцы, якія працуюць па графіку. Абедзве жанчыны
добрасумленна выконваюць свае абавязкі. Спачатку праводзіцца вільготная ўборка
падлогі аўтобуса, вядро з вадой прыбіральшчыца ставіць у аўтобусе. Затым
сядзенні вышароўваюцца вільготнай анучай і выціраюцца насуха.

За апошнія два гады з боку пасажыраў не было
ніводнай скаргі на санітарны стан салонаў аўтобусаў.