У чацвер працаўнікі торфапрадпрыемства “Татарка”
і жыхары пасёлка мелі магчымасць сустрэцца з міністрам юстыцыі краіны Віктарам
Галаванавым, першым намеснікам старшыні райвыканкама Васілём Пятроўскім,
пракурорам раёна Аляксандрам Канецкім, старшынёй суда раёна Станіславам
Сітнікам і другімі членамі інфармацыйна-прапагандысцкай групы.

Напачатку Віктар Рыгоравіч спыніўся на галоўным
пытанні, вынесеным на парадак дня студзеньскага дня інфармавання насельніцтва —
“Першы год новай пяцігодкі: асноўныя арыенціры сацыяльна-эканамічнага развіцця
краіны ў 2011 годзе”, а потым адказаў на шматлікія пытанні, якія цікавілі
людзей. Прычым, далёка не ўсе з іх тычыліся законнасці, многіх хвалявала
добраўпарадкаванне пасёлка, рамонт жытла, перспектывы мясцовага прадпрыемства і
г.д. На асобныя адказы былі да-дзены прама на сходзе, пэўная колькасць патрабуе
дадатковага вывучэння і таму, натуральна, яны ўзятыя на кантроль, заяўнікам
прыйдзецца крыху пачакаць.

У гэты ж дзень члены
інфармацыйна-прапагандысцкіх груп райвыканкама правялі сустрэчы з землякамі ў
іншых працоўных калектывах і па месцы жыхарства.