— Ці не з’яўляецца парушэннем прыродаахоўнага
заканадаўства гандаль ландышамі, які вядзецца на міні-рынках і каля гарадскіх
магазінаў?

Анатоль П., г. Асіповічы.

Адказ на пытанне чытача дае дзяржінспектар
інспекцыі аховы жывёльнага і расліннага свету Уладзімір Якушаў:

— У адпаведнасці з дзеючым заканадаўствам
катэгарычна забаронены збор і продаж толькі тых раслін, якія занесены ў
Чырвоную кнігу. Ландыш майскі не адносіцца да ахоўваемых відаў, таму парадак
яго збору падпарадкоўваецца Правілам нарыхтоўкі другаступенных лясных рэсурсаў
і ажыццяўлення пабочнага лесакарыстання.

Узгаданы дакумент забараняе нарыхтоўку
дзіка-рослай сыравіны ў лясах-запаведніках, на тэрыторыі помнікаў прыроды, у
гарадах, лесапаркавых зонах і там, дзе канцэнтруюцца расліны-чырвонакніжнікі.
На Асіповіччыне пералічаных мясцін няма, таму ніякіх прэтэнзій да людзей, якія
збіраюць ландышы ў нашым раёне і гандлююць імі, у IАЖіРС няма.