На парадак дня сумеснага пасяджэння раённых
прэзідыума Савета дэпутатаў і выканаўчага камітэта, якое прайшло 5 кастрычніка
з удзелам намесніка пракурора Магілёўшчыны Сяргея Парфёнава, былі разгле-джаны
прадстаўленне пракурора вобласці аб выкараненні парушэнняў заканадаўства аб
прафілактыцы правапарушэнняў у дзейнасці суб’ектаў прафілактыкі раёна і
перспектывы аптымізацыі адміністрацыйна-тэрытарыяльнага ўстройства
Асіповіччыны.

Даклады па першаму з іх, дапаўняючы адзін
аднаго, зрабілі пракурор раёна Аляксандр Канецкі, намеснік старшыні
райвыканкама Аляксандр Шаўлюга і намеснік начальніка міліцыі Мікалай
Гайваронскі.

Пэўныя арганізацыйна-практычныя меры ў рэгіёне
ва ўзгаданым накірунку, як было адзначана, прыняты. Напрыклад, за 8 месяцаў
назіраецца станоўчая дынаміка зніжэння злачыннасці: колькасць зарэгістраваных
складае 635 супраць 690 за такі ж леташні перыяд. У наяўнасці памяншэнне цяжкіх
і асабліва цяжкіх злачынстваў (50-52), няма росту гвалтаванняў, разбояў і
цяжкіх цялесных пашко-джанняў, скарацілася злачын-насць сярод непаўналетніх
(22-29), колькасць грабяжоў (9-22) і крадзяжоў (356-391).

Ва ўсіх пассельвыканкамах створаны і працуюць 14
грамадскіх пунктаў аховы парадку, ёсць саветы прафілактыкі, дзейнічаюць
народныя дружыны і г.д. Пытанні працаўладкавання асоб, вызваленых з устаноў
крымінальна-выпраўленчай сістэмы, разглядаюцца на пасяджэннях назіральнай
камісіі пры райвыканкаме.

Сёлета РАУС у суд раёна накіравана 28 спраў
(летась — 12) на асоб, якія пакутуюць хранічным алкагалізмам і здзяйсняюць
правапарушэнні, разгледжана 20 спраў (11), накіравана ў ЛПП 20 (7) чалавек.

Але ў наяўнасці і недахопы. Узровень злачыннасці
ў раёне на 10 тысяч насельніцтва застаецца адным з самых высокіх у вобласці: за
студзень-жнівень — 122,8 (8 месяцаў 2010 года — 134,6) пры ўзроўні злачыннасці
па Магілёўшчыне 92,2 (96,8). Павялічылася колькасць забойстваў (3-2),
хуліганстваў (18-12), злачынстваў супраць бяспекі дарожнага руху і эксплуатацыі
транспарту (49-37), звязаных з незаконным абаротам наркатычных і псіхатропных
рэчываў (31-28).

З 54 чалавек, якія вы- зваліліся з месцаў
пазбаўлення волі, 19 атрымалі накіраванне на работу, а працаўладкавалася 11.
Выяўлена 66 фактаў рэалізацыі грамадзянамі спіртных напояў.

Не ў поўнай меры адказвае прад’яўляемым
патрабаванням работа па прафілактыцы злачынстваў і правапарушэнняў, папярэджанні
і пераадоленні п’янства і алкагалізму адміністрацый і грамадскіх фарміраванняў;
праводзіцца недастатковая работа па лячэнні пацыентаў з хранічным алкагалізмам
метадам ка-дзіравання спецыялістамі аблнаркадыспансера; здараюцца нявыхады на
дзяжурства дружын (ДЭУ-73 і райста); з 59 гандлёвых аб’ектаў раёна, працуючых
вечарам і ноччу, толькі ў 24 устаноўлены камеры відэаназірання; маюць месца
парушэнні закона пры правядзенні культурна-забаўляльных мерапрыемстваў на аб’ектах
грамадскага харчавання; не ва ўсіх выпадках уласнікамі прыняты належныя меры па
тэхумацаванні аб’ектаў і захаванасці сваёй маёмасці і г.д.

Старшыня райвыканкама Пётр Шукаловіч узняў са
справаздачамі ў той дзень многіх, шэраг слушных заўваг зрабіў Сяргей Парфёнаў і
другія. Сутнасць жа “размовы па душах” коратка можна ахарактарызаваць так:
трэба іменна рабіць справу, а не выгляд, што ты яе робіш. Натуральна, гэта і
знайшло адбітак у прынятым рашэнні з канкрэтным вызначэннем адказных за
той-іншы накірунак дзейнасці і вызначанымі тэрмінамі выпраўлення недахопаў.

Што тычыцца другога пытання, то інфармацыю па
яму зрабіў старшыня раённага Савета дэпутатаў Аляксандр Пузік. I
прааналізаваўшы сацыяльна-эканамічны стан рабочых пасёлкаў, сельскіх населеных
пунктаў, далейшае развіццё тэрыторый сельсаветаў, спецыфіку і склаўшыеся ўмовы
пражывання насельніцтва і многія іншыя акалічнасці, члены прэзідыума райсавета
і райвыканкама рашылі змяненне ў адміністрацыйна-тэрытарыяльнае ўстройства
Асіповіцкага раёна не ўносіць.