Пра жыццё сельсавета, яго праблемы і дасягненні
распавядае старшыня Дрычынскага сельскага Савета дэпутатаў Мікалай Яромаў.

Задачы:

— Наш сельсавет невялікі, але пытанняў, з якімі
звяртаюцца землякі да мясцовай улады, дастаткова. Не лічу, што гэта дрэнна,
наадварот — гаворыць аб тым, што нам давяраюць, што мы здольны вырашыць людскія
цяжкасці. Плюс, гэта сведчыць пра чалавечую неабыякавасць. Наша задача —
зрабіць усё магчымае для стварэння дастойных умоў жыцця і працы людзей сельскай
мясцовасці, забяспечыць выкананне іх законных правоў і інтарэсаў.

Сярод пытанняў, якія штодня даводзіцца вырашаць,
— работа аўталавак, добраўпарадкаванне, нарыхтоўка і дастаўка дроў, рамонт
водаправода, калодзежаў, медыцынскае абслугоў-ванне, шматдзетныя і
нядобранадзейныя сем’і і г.д.

Нам дапамагаюць:

— Значную дапамогу мясцовай уладзе аказваюць
селькамы і старэйшыны вёсак — своеасаблівае сувязное звяно паміж насельніцтвам
і сельскім Саветам. Яны актыўна ўдзельнічаюць у вырашэнні пытанняў
добраўпарадкавання, закупаў лішкаў сельгаспрадукцыі, апрацоўцы прысядзібных
участкаў. Найбольш актыўныя памочнікі — Л.А.Жукавец (Вялікі Бор), Ф.В.Пінчук
(Канцы), А.А. Пышная (Дрычын) і другія.

Добраўпарадкаванне:

— Вялікую ўвагу надаём навядзенню парадку як у
населеных пунктах, так і на грамадзянскіх могілках, вайсковых пахаваннях.
Асноўныя віды дзейнасці — арганізацыя збору і вывазу смецця, рамонт, выраб і
ўстаноўка агароджы, азеляненне вуліц і ўтрыманне іх у належным са-нітарным стане.
Толькі за мінулы год было ліквідавана 35 несанкцыяніраваных сметнікаў,
адрамантавана 400 метраў агароджы, наведзены парадак на трох вясковых могілках,
спілавана 60 аварыйных і пасаджана 100 маладых дрэваў і кустоў.

Ветэраны:

— Наш сельскі Савет, як і астатнія, не пакідае
без увагі ветэранаў Вялікай Айчыннай вайны. На жаль, засталося ў нас іх толькі
пяцёра. Кожнага з гэтых паважаных людзей наведваюць сацыяльныя работнікі.
Мясцовым урачом штогадова праводзяцца медыцынскія агляды. Па меры паступлення
выконваюцца ветэранскія просьбы: рамонт або замена печаў, электра-праводкі і
г.д. Робім абследаванні сацыяльна-бытавых умоў іх жыцця, проціпажарнага і
тэхнічнага стану жылля, устанавілі пажарныя апавяшчальнікі. Не забываем
віншаваць удзельнікаў вайны з дзяржаўнымі і асабістымі святамі. Актыўна тут
працуе дэпутат мясцовага Савета дэпутатаў Г.Т.Крывіцкая, якая наладзіла шэфскую
работу са школьнікамі па аказанні дапамогі ветэранам.

Праведзена значная работа па рэканструкцыі
вайсковых пахаванняў. Устанавілі 6 новых помнікаў, памянялі агароджы,
надмагільныя пліты. У гэтым накірунку будзем працягваць дзейнічаць і сёлета.

Нарматыўныя дакументы ў дзеяннI:

— Працягваем выконваць Указ Прэзідэнта
Рэспублікі Беларусь № 70, які прадугледжвае знос старых і пустуючых дамоў. Пры
дапамозе СВК “Калгас імя Чарняхоўскага” былі складзены акты і знесены 4
пабудовы. У сучасны момант працягваецца работа ў дачыненні яшчэ 38 падобных
будынкаў.

У рамках Дзяржаўнай праграмы адраджэння і
развіцця сяла на тэрыторыі сельсавета створана два аграгарадкі — Вялікі Бор і
Дрычын, дзякуючы чаму адрамантаваны практычна ўсе аб’екты сацкультбыту, якія
знаходзяцца на тэрыторыі сельсавета: амбулаторыя, аддзяленне сувязі, школы, ФАП
і клуб у Вялікім Бары, а таксама Дрычынскі сельскі Дом культуры.

Здаровы лад жыцця:

— Штогадова праводзіцца зімовая спартакіяда
паміж установамі і арганізацыямі, якія знаходзяцца на тэрыторыі сельсавета. Тры
разы на тыдзень па вечарах у Дрычынскім вучэбна-педагагічным комплексе ладзяцца
спаборніцтвы па валейболе, міні-футболе, тэнісе. Асаблівую актыўнасць у гэтым
праяўляюць дэпутаты У.У.Плітко, В.С.Бурнос і другія.

ДэмаграфIя:

— Хочацца закончыць на прыемнай ноце. У 2010
го-дзе ў нашым сельсавеце створана 4 маладыя сям’і і нарадзілася 7 немаўлят —
на пяць болей, чым у папярэднім годзе.

На тэрыторыі сельсавета пражывае 829 чалавек. З
іх 300 пенсіянераў, 100 дзяцей ва ўзросце да 15 гадоў, 429 грамадзян
працаздольнага ўзросту.

Тамара ВАЛАДЗЬКО.