Iдэалагічная работа
“Паслядоўная работа па выкананні Дырэктывы Прэзідэнта Рэспублікі Беларусь № 2 “Аб мерах па далейшай дэбюракратызацыі дзяржаўнага апарата” — асноўнае пытанне снежаньскага Адзінага дня інфармавання насельніцтва. Падрабязна спыніўся на ім і старшыня раённага Савета дэпутатаў Аляксандр Пузік, які сустракаўся з жыхарамі рабочага пасёлка Ялізава. Праінфармаваў Аляксандр Віктаравіч пасялкоўцаў і наогул аб стане спраў у раёне — як у сельскай гаспадарцы, так і ў прамысловых калектывах.
Дарэчы, сустрэча з людзьмі не стала яго маналогам. Членамі раённай інфармацыйнай групы былі ўважліва выслуханы ўсе пытанні, якія хвалююць ялі-заўчан і, на іх погляд, па-трабуюць абавязковага вырашэння. Прычым, былі яны не толькі “мясцовага прызначэння”, але і больш глабальнага характару. Людзей, напрыклад, цікаві-ла ці можна паменшыць крэдытныя працэнтныя стаўкі, сумы платы за навучанне ў навучальных установах і г.д.
Па шэрагу пытанняў старшыня райсавета змог даць адказы адразу, асобныя занатаваны для далейшага вывучэння і будуць абавязкова агучаны людзям праз месяц.
Аб адказнасці за захаванне і рэалізацыю на тэрыторыі Беларусі алкагольнай і спіртаўтрымліваючай прадукцыі, а таксама за вытворчасць фальсіфіцыраваных алкагольных напояў прысутных праінфармаваў участковы інспектар аддзела ўнутраных спраў Алег Лук’яненка.