Па выніках агляду-конкурсу школьных лясніцтваў,
у якім рэгулярна прымаюць удзел навучэнцы школ горада і раёна, першай у
катэгорыі “вясковыя навучальныя ўстановы” была прызнана суполка юных
аматараў лесу з Градзянецкай СШ (кіраўнік Аліна Бараноўская). А некалькі дзён
таму гэты поспех быў замацаваны ў Магілёве, дзе градзянецкія вучні сталі
абсалютнымі пераможцамі абласнога агляду-конкурсу школьных лясніцтваў.

Віншуючы іх, трэба выказаць шчырую ўдзячнасць і
ўсім іншым юным землякам, якія добраахвотна дапамагаюць лесаводам раёна. Так,
за мінулы навучальны год асіповіцкія хлопчыкі і дзяўчынкі, аб’яднаныя ў
школьныя лясніцтвы, пасадзілі 18
га лясных культур, стварылі дэндрарый у Цэльскім
лясніцтве, сабралі 200 кг
насення дрэў, зрабілі 400 шпакоўняў і іншых штучных гняздоўяў, агарадзілі 102
мурашнікі.