Даведка №108

У склад Пратасевіцкага сельскага Савета ўваходзяць
22 вёскі, станцыі Дзераўцы і
Верайцы, ваенныя гарадкі Цэль і Верайцы. Аграгарадкі Пратасевічы-Забалацце і
Осава з’явіліся тут у 2009 і 2010 гадах адпаведна. На тэрыторыі сельсавета па
даных на 01.01.2011 г. пражывала 1.607 чалавек: дзяцей да 18 гадоў — 321, 837
жыхароў працаздольнага ўзросту, 449 — пенсійнага.

Адзін са старэйшых населеных пунктаў —
Пратасевічы. Упершыню ўпамінаецца ў 1513 годзе як вёска Свіслацкай воласці
Мінскага ваяводства Вялікага Княства Літоўскага.