Асіповіцкія жанчыны — на міжнароднай арэне

Настаўніца
гімназіі Таццяна Амбрушкевіч прыняла ўдзел у ІІ з’ездзе настаўнікаў, работнікаў
адукацыі дзяржаў-удзельніц СНД, што прайшоў у Ерэване. Беларускую дэлегацыю
ўзначаліў Міністр адукацыі Сяргей Маскевіч. У склад яе ўвайшлі лепшыя педагогі
краіны, якія ўдзельнічалі ў конкурсе «Настаўнік года Беларусі”, кіраўнікі
сістэмы адукацыі, навукоўцы.

Абмяркоўваліся
сучасныя напрамкі развіцця нацыянальных сістэм адукацыі ў кантэксце
супрацоўніцтва дзяржаў-удзельніц СНД. Удзел у такім форуме дасць магчымасць
педагогам і кіраўнікам сістэмы адукацыі абмеркаваць і абагуліць назапашаны
вопыт, а таксама практычныя напрацоўкі вядучых навукоўцаў краін СНД.

* * *

У Мінску на
днях адбыўся адборачны тур конкурсу «Місіс Еўропа-2012», які
праводзіўся пры падтрымцы сайта LADY. TUT. BU. 
За права прадстаўляць нашу краіну на міжнародным конкурсе змагаліся
самыя прыгожыя, разумныя, таленавітыя маладыя жанчыны. Прыемна, што ў гэтым
мерапрыемстве прыняла ўдзел і наша зямлячка. Вікторыя Клемянцёнак стала
пераможцай у намінацыі «Місіс інтэлект», яшчэ раз пацвердзіўшы тое,
што асіповіцкія жанчыны валодаюць вялікім патэнцыялам.