Тое, што наш край славіцца сваёй прыгажосцю і
працавітымі людзьмі, можа сказаць кожны яго жыхар. А 29 мая гэтыя словы
прагучалі з вуснаў і прадстаўнікоў мясцовай улады брэстчыны, гродзеншчыны і
іншых рэгіёнаў краіны — слухачоў Iнстытута дзяржаўнай службы Акадэміі
ўпраўлення пры Прэзідэнце Рэспублікі Беларусь, які арганізаваў тут практычныя
заняткі. Як патлумачыў кіраўнік курса Барыс Сакалоў, выраз “сацыяльна-эканамічная
палітыка” набывае канкрэтныя абрысы, калі на свае вочы бачыш работу
Саветаў дэпутатаў з арганізацыямі і грамадзянамі.

Спачатку гасцям прадэманстравалі відэафільм пра
сённяшні дзень рэгіёна. Старшыня райвыканкама Пётр Шукаловіч расказаў аб яго
развіцці і перспектывах, а старшыня райсавета дэпутатаў Аляксандр Пузік
падзяліўся практыкай работы органаў мясцовага ўпраўлення і самаўпраўлення ў
рашэнні праблем жыццезабеспячэння насельніцтва. Потым адбылася экскурсія па
гораду, знаёмства з прамысловай зонай і наведванне завода аўтаагрэгатаў,
кіраўніцтва якога падрыхтавала інфармацыю і відэаматэрыялы аб рабоце
прад-прыемства, убачылі работу цэха алюмініевага ліцця. Многіх зацікавілі
звесткі аб пластыкавых лодках, што выпускае АЗАА, і работнікі канструктарскага
бюро і ад-дзела маркетынгу ахвотна адказалі на пытанні аб іх тэхнічных
характарыстыках. Натуральна, атрымалі яны і буклеты, прэс-рэлізы для больш
дэталёвага азнаямлення з работай прадпрыемства.

Наступны прыпынак — Вяззеўскі сельсавет.
Спадабаўся наведвальнікам не толькі сам будынак і яго ўнутранае аздабленне, але
і наладжаная сістэма работы з людзьмі, з якой пазнаёміў старшыня Iван Вярыга, станоўчыя
водгукі атрымалі інфармацыйныя стэнды, змест якіх дэталёва вывучаўся.
Спадабаліся ўсім і аб’екты вытворчай і сацыяльнай сферы. Гасцей цікавілі розныя
пытанні: колькі абавязаных асоб працаўладкавана, якая нараджальнасць у вёсцы,
ці вялікі статак буйной рагатай жывёлы знаходзіцца на індывідуальным утрыманні,
асартымент вясковых крам, работа з ветэранамі вайны і працы… Дом культуры па
традыцыі сустрэў хлебам-соллю і найлепшымі пажаданнямі, а затым народны
ансамбль народнай песні і музыкі “Вязанка” парадаваў вясёлай песняй і
такімі заліхвацкімі танцамі, што і некаторыя слухачы курсаў пусціліся ў пляс.
Азнаёмі-ліся яны і з выстаўкай работ вяззеўскіх майстроў, сярод якіх пачэснае
месца заняў макет царквы ў Прошчы, выкананы мясцовымі школьнікамі.

Яшчэ адзін аграгарадок прымаў у гэты дзень
гасцей — і ў Ліпеньскім сельсавеце зноў многа было ўзята на заметку, уключаючы
алгарытм работы.  Часта гучала: “У
нас так… А як у вас?” — і гэта яшчэ раз сведчыць, што падобныя
мерапрыемствы найлепшым чынам садзейнічаюць узаемаабагачэнню. З інтарэсам былі
вывучаны і змест вітрын у мясцовых крамах, цэны на тавары, прынцыпы
абслугоўвання ў мясцовым комплексна-прыёмным пункце. Па-за ўвагай пільных
кіраўнікоў не засталіся нават такія “дробязі”, як, напрыклад,
размяшчэнне раслін на клумбах ды вонкавы вы-гляд некаторых пабудоў.

Калі за вокнамі аўтобуса паказаліся карпусы
малочнатаварнай фермы філіяла “Белшына-агра”, што ў Вязычыне,
спадарожнікі ажывіліся: “Мы ж яе бачылі па тэлевізары!”. Доўга
распытвалі яны кіраўнікоў фермы аб асаблівасцях механізаванага догляду кароў,
эфектыўнасці работы робатаў, хаця на многія пытанні дапамог адказаць
цікава-пазнавальны відэафільм.

Замілавана любаваліся цудоўнымі краявідамі госці
з розных мясцін краіны, калі выйшлі з аўтобуса на апошнім “прыпынку”
— у лесагадавальніку Асіповіцкага доследнага лясгаса, дзе змаглі даведацца аб
метадах лесакарыстання, узнаўлення і развядзення лесу.

…Пры падвядзенні вынікаў практычных заняткаў
Барыс Сакалоў зазначыў, што пасля 5- гадовага тэрміну з яго апошняга візіту ў
Асіповічы адразу кідаецца ў вочы добраўпарадкаванне райцэнтра і малых населеных
пунктаў, іх прыстойны выгляд. А яшчэ — непарыўная сувязь з прыродай. Слухачы
таксама аднадушна адзначылі, што цудоўны ландшафт асіповіцкай зямлі гарманічна
спалучаецца з сучасным выглядам вёсак, у якіх і жыццё наладжана належным чынам.
А гэта — галоўны вынік работы мясцовай улады.

Iна ЗаскевIч.