На запыты, атрыманыя ў ліпеньскі Дзень інфармавання, адказваюць:

Дырэктар АДУКПП «Райсервіс» Аляксандр Маслаў:

— Рэканструкцыя гарадскога парка на паўд-нёвым
баку горада ўключана ў тытульны спіс капітальнага рамонту аб’ектаў
добраўпарадкавання на 2011 год. Але ў сувязі з адсутнасцю фінансавання работы
па ўкладцы тратуарнай дарожкі былі прыпынены. Скончыць гэтую справу плануецца
да канца бягучага года.

— Гульнёвае абсталяванне, якое маецца на дзіцячай
пляцоўцы ў Цэнтральным гарадскім парку, пастаянна пад-трымліваецца ў тэхнічна
спраўным стане. Устаноўка дадатковых гульнёвых комплексаў не прадстаўляецца
магчымай з-за адсутнасці грашовых сродкаў.

Часова выконваючы абавязкі начальніка
Асіповіцкага РАУС Андрэй Гаварака:

— Супрацоўнікам патрульна-паставой службы
міліцыі з мэтай недапушчэння правапарушэнняў штодзённа ставіцца задача па
ад-працоўцы ў вячэрні і начны час тэрыторыі вуліц Сташкевіча, Паркавай і
прылягаючых да іх дваравых тэрыторый. Вынікі работы штодзённа аналізуюцца пры
правядзенні інструктажаў.