АСІПОВІЧЧЫНА: святы будням не перашкода

Пасля навагодніх «канікул” старшыня райвыканкама Пётр Шукаловіч у чарговы раз разам з другімі аб’ектамі наведаў будпляцоўкі ў ААТ «Асіповічыаграпрамтэхзабеспячэнне”, калгасах «Чырвоны ўдарнік” і «Каўгарскі”, дзе на будучых сучасных фермах шчыруюць працаўнікі «Рамбуда”, «Прамаграбуда” і ПМК-95 «Вадбуд”.

Адчуваецца, што людзі добра разумеюць адказнасць за даручанае і зацікаўлены ў тым, каб без прамаруджвання і з належнай якасцю справіцца з запланаваным. У прыватнасці, зараз яны заняты работамі па закрыццю контураў даільна-малочных блокаў, давядзеннем да ладу дахаў і ўнутраных фундаментаў, іншымі не менш важнымі «дробязямі”.