А ўздоўж дарогі…

Рэканструкцыя аўтадарогі Мінск-Гомель вядзецца
пад наглядам эколагаў, якія пры неабходнасці ўключаюцца ў вырашэнне
прыродаахоўных праблем.

Гэтай вясной на тэрыторыі раёна супрацоўнікі
дзяржаўных навуковых устаноў «Iнстытут эксперыментальнай батанікі імя
В.Ф.Купрэвіча” і «Навукова-практычны цэнтр Нацыянальнай акадэміі навук Беларусі
па біярэсурсах” плануюць правесці ў Брыцалавіцкім і Цэльскім лясніцтвах
сапраўдную выратавальную аперацыю — перанесці ўсе асобіны
відаў-чырвонакніжнікаў, існуючых у лясах, якія павінны быць ссечаны для
пашырэння паласы адводу дарогі, у бяспечныя зоны.

Спатрэбіцца перасадзіць па 2 папуляцыі
мядзведжай цыбулі і зубніцы клубняноснай агульнай колькасцю 100 і 20 раслін
адпаведна. Таксама запланавана правесці адлоў і перасяленне 6 папуляцый трытона
грабенчатага.