7 ноября в Осиповичах состоялся торжественный митинг
Дата
У гонар падзеі, якую нельга забываць
Віншуючы беларусаў з чарговай гадавінай Кастрычніцкай рэвалюцыі, Кіраўнік дзяржавы Аляксандр Лукашэнка пажадаў беражлівых адносін да мінулага, “якое падаравала нам будучыню”, і падкрэсліў, што сіла народа ў яго гістарычным вопыце.
З улікам сённяшняй эпідэміялагічнай сітуацыі колькасць удзельнікаў мітынгу была абмежавана, так што на плошчы Леніна сабраліся пераважна найбольш актыўныя прадстаўнікі раённых суполак кампартыі Беларусі і воінаў-інтэрнацыяналістаў, райсавета ветэранаў, БРСМ, працоўных калектываў.
Аднак тут мае значэнне не колькасць, а думкі, якія аб’ядналі прысутных. Іх агучылі старшыня райсавета дэпутатаў Сяргей Сувееў — ён таксама з’яўляецца лідарам мясцовых камуністаў, кіраўнікі райарганізацыі ГА “Беларускі Саюз ветэранаў вайны ў Афганістане” Юрый Корбан і Беларускага грамадскага аб’яднання ветэранаў Міхаіл Слесарэнка.
У сваіх выступленнях прамоўцы адзначылі, наколькі Кастрычніцкая рэвалюцыя змяніла жыццё людзей — як ва ўсім свеце, так і канкрэтна на нашай малой радзіме. І падкрэслілі, што суверэнітэт, нацыянальная эканоміка і сацыяльныя заваяванні — гэта тыя каштоўнасці, якія землякі павінны захоў-ваць, каб не страціць умовы для далейшага развіцця беларускага грамадства.
Плошча Леніна ў райцэнтры — традыцыйнае месца святкавання Дня Кастрычніцкай рэвалюцыі.