Дала мне маці гэту мову…
Сёння ў гімназіі прайшло святочнае мерапрыемства “Шануйце родную мову!”, прымеркаванае да Міжнароднага дня роднай мовы. Ініцыятарам святкавання стала настаўнік беларускай мовы і літаратуры Таццяна Краснова. Удзельнікі свята – вучні 2-х і 5-7-х класаў – чыталі вершы, спявалі на мілагучнай і пяшчотнай беларускай мове, танцавалі.
Галоўным госцем стала наша зямлячка, прыгожы і таленавіты чалавек, паэтэса, член Саюза пісьменнікаў Беларусі – Лёля Багдановіч. Яна з задавальненнем слухала свае творы, якія гучалі з дзіцячых вуснаў, а потым і сама далучылася да выступленняў. Нікога не пакінула абыякавым прэзентацыя яе новага зборніка казак “Скарбы зямлі беларускай”, што ўбачыў свет у лістападзе мінулага года.
Словам, святкаванне прайшло ў цёплай і сяброўскай атмасферы. У актавай зале гімназіі не было свабоднага месца. Такія сустрэчы не праходзяць дарэмна, а пакідаюць у душы светлыя пачуцці.
